Comision Derecho di mucha na Aruba reinstala

By november 20, 2014Noticia

E aña aki ta conmemenora 25 aña di e Tratado internacional pa derechonan di mucha.Despues di segunda guera mundial paisnan rond di mundo a yega na un acuerdo den un asamblea general di Nacionnan Uni cu globalmente mester salvaguargia e bienester di tur muchanan. Na aña 2001 Aruba tambe a firma e Tratado aki, haciendo asina e compromiso pa proteha di un forma mas completo posibel e desaroyo di e mucha den su personalidad, talento, capacidad emocional, mental y fisico. Pa percura cu ta cumpli cu e Tratado ta sosode na un forma coordina y eficiente gobierno di Aruba a instala e Comision Derecho di mucha riba 12 april 2001. E comision tabata activo te cu aña 2009, den cual periodo a ehecuta trabounan imporante y a logra diferente meta.

Na luna di oktober e comision di Derecho di mucha a keda reinstala cu tres tarea specifico:

  1. Conseha riba implementacion di e Tratado
  2. Ehecucion di e responsabilidad internacional pa raporta encuento e Tratado
  3. Stimula e concientisacion di comunidad tocante e Derechonan di mucha

E comision Derecho di mucha lo ta presidi dor Departamento di Asunto Social y ta consisti di representacion di Directie Buitenlandse Betrekkingen, Directie Voogdijraad, Bureau Sostene Mi, Departamento di Enseñansa, Departamento di Salud Publico, Departamento di Labor, Oficina Central di Estadistica, Asociacion di Trabou di Hubentud, CEDE Aruba. Riba  e combinacion di potret por mira algun miembro di e comision durante nan di dos reunion. E comision a stipula caba e forma cu lo bay traha pa por cumpli cu tur tres e tareanan y lo tene un sesion special e luna aki pa profundisa den e topico pa por ta prepara pa ehecucion durante e proximo 2015.

Leave a Reply