RAPORTAHE

Reporta na Comite di Derecho di Mucha di Nacionnan Uni

 

Na aña 1989 Nacionnan Uni a acepta e Tratado di Derecho di Mucha. Nacionnan Uni a instala un comite di Derecho di Mucha di Nacionnan Uni na Genève. Den e Comite aki tin 18 persona di henter mundo cu ta experto riba tereno di derecho di mucha.

Aruba mester raporta por escrito periodicamente, segun e planificacion di Nacionnan Uni, riba e situacion di mucha y hobennan na Aruba y tambe riba e cumplimento cu e Tratado aki na Aruba na e Comite di Nacionnan Uni. Despues ta sigui un sesion di raportahe, e Comite di Nacionnan Uni ta hasi pregunta na e delegacion di Aruba. Dos persona di e Comite ta profundisa nan mes riba e situacion di Aruba y ta e miembronan aki ta esnan cu ta haci mayoria pregunta. Aruba ta haya e oportunidad pa internacionalmente splica su maneho riba tereno di derecho di mucha. Despues di un par di siman ta sali un raport di e Comite den cual e Comite ta laga Aruba sa si e ta cumpli cu e Tratado y ta duna  recomendacionnan kico Aruba por haci pa implementa e Tratado di Derecho di Mucha di Nacionnan Uni na un miho forma.

Aruba a entrega un raportahe inicial na e Comite di Derecho di Mucha na 2003 den cual Aruba a presenta e situacion na e momento ey.  Aruba ta entrega su raportahe hunto cu Hulanda como parti di Reino Hulandes. Despues a sigui raporta pa medio di un di dos raportahe na aña 2007 den cual ta participa e cambionan cu tabatin desde 2004. E di tres raportahe a wordo entrega na aña 2015.