Commission Derecho di Mucha ta informa riba Derecho di Enseñansa (art. 28 – 31)

By August 15, 2016Noticia

Den cuadro di apertura di e aña escolar 2016 – 2017, ComisionDerecho di Mucha kier dunaunatencion specialna un di e derechonan fundamental di tur mucha – enseñansa. Aruba, comoparti di Reino Hulandes, ta marana e Tratado di Derecho di Mucha desde 17 di januari 2001 y como tal tin e obligacion di cumpli cu su stipulacionnan. Segun e Tratado, un mucha ta un persona cu no a cumpli 18 aña di edadainda.

Pa loke ta enseñansa, e Tratado ta exigi di tur pais pa reconoce e derecho di cada mucha pa ricibi enseñansa (art. 28§1).Gobierno na su turno mester hasi enseñansa primario (duste cu klas 6) obligatorio y gratis pa tur mucha (art. 28§1a). Despues di introduccion di enseñansa obligatorio na Aruba na 2012, tur mucha te cu edad di 17 aña tin e obligacion di bai scol. Entre otro obligacionnan di e Pais tambe mester hasi enseñansa secundario  y enseñansa di ofishi accesibel y encurasha presencia na scol y reduci e cantidad di drop-outs. Enseñansa avansa tambe mester por ta accesibel.

E derecho riba enseñansa tambe ta consisti e derecho pa desaroya e personalidad, talentonan y abilidad mental y fisico di e mucha, manteniendo miras riba e derechonan humano general y respet pa e.o. nan identidad, idioma y religion. Tur esaki tambe pa prepara e mucha pa por biba un bida responsabel den un sociedad liber (art. 29-30).

No obstante e derecho di enseñansa, un mucha tin e derecho tambe di un descanso, pa e por hunga y participa den actividad nan recreacional apropia pa suedad, incluyendo participacion den bida cultural y arte.

Pa mas informacionen cuanto e Tratado di Derecho di Mucha, comunica cu e Comission Derecho di Muchanan.

Leave a Reply